A Eagarthóir,

Sílim go bhfuil an ceart ag Micheál Ó Conaire sa mhéid a dúirt sé in eagrán 14 Márta go dteastaíonn réabhlóid sa tír seo, ach ní amháin ó thaobh na Gaeilge de.

Tá muintir na tíre seo scriosta le blianta de dhúshaothrú polaitíochta. Ní thuigim cén fáth go dtoghfar na polaiteoirí gairmeacha seo arís agus arís eile, iad atá ag amharc amach dóibh féin agus dá bpocaí féin. Le himeacht gach lae tá scéalta scannalacha faoi speansaisí agus caimiléireacht ag teacht chun cinn. Cá huair a n-athneoidh muid an fhadhb seo – cathain a n-athneoidh muid nach bhfuil córas neo-libearálach na tíre ag tuilleadh tada seachas léirscrios eacnamaíochta?

Tá reabhlóid shíochánta de dhíth sa tír seo – atheagrú iomlán ar achan rud. Tá a fhios agam go bhfuil na ráitis seo an-ghinéaralta, ach tá an oiread sin fadhbanna leis an chóras atá lofa leis an dúshaothrú agus an chaimiléireacht go bhfuil sé do-dhéanta iad go léir a phlé sa litir seo. Mothaíom go bhfuil an rialtas dár dtréigean, agus mothaíom nach bhfuil iontaobhas ar bith fágtha agam as. Is brónach an rud é sin a rá, ach ní féidir linn athrú ar bith a dhéanamh gan seasamh suas chun na faidhbe seo.

Impaím oraibh smaoineamh faoi seo, agus sa chéad mhór-toghchán eile do vóta a mhilleadh. Caithfidh muid a thaispáint nach amháin go bhfuil muinín caillte againn sa rialtas, ach sa chóras iomlán freisin.

Is Mise Le Meas

Conor Mac Aoidh

Muineachán

As a result of the letter I have been asked to write a piece on Ireland’s inefficient methods of recycling as Gaeilge for a Galway based newspaper, and I’ll send it to Foinse as well to see if they’ll publish it! It could be a few weeks until I get around to it though…